Tema

Hovudstyret

Hovudstyret består av sentralbanksjefen, dei to visesentralbanksjefane og seks eksterne styremedlemmer, som alle er oppnemnde av Kongen i statsråd. I tillegg blir to styremedlemmer valde av og blant dei tilsette til å delta i behandlinga av administrative saker.

Blant oppgåvene i hovudstyret er styringa og drifta av Noregs Bank, med unntak av saker som i eller i medhald av sentralbanklova er lagt til komiteen for pengepolitikk og finansiell stabilitet. Hovudstyret har ansvaret for Noregs Banks forvaltning av Statens pensjonsfond utland. Hovudstyret skal sørgja for ei forsvarleg og effektiv organisering av banken.

Sentralbanksjefen er leiar, og visesentralbanksjefane er høvesvis første og andre nestleiar. Hovudstyret har fire saksførebuande og rådgivande utval som gjennom arbeidet sitt skal styrkje og effektivisere drøftingane i hovudstyret.

Medlemmene i hovudstyret

Ida Wolden Bache

Utnemnd som sentralbanksjef frå 8. april 2022 til 2028. Bache er leiar av hovudstyret og komiteen for pengepolitikk og finansiell stabilitet.

Bache har erfaring som visesentralbanksjef, avdelingsdirektør for pengepolitikk og avdelingsdirektør for finansiell stabilitet i Noregs Bank. Bache har òg vore makroøkonom i Handelsbanken Capital Markets. Ho var medlem av Det Systemiske Risikoråd i Danmark frå 2017 til 2022. Bache er samfunnsøkonom med doktorgrad frå Universitetet i Oslo og mastergrad frå London School of Economics.

Pål Longva

Utnemnd som visesentralbanksjef frå 29. august 2022 til 2028. Longva har særskilt ansvar for sentralbankverksemda og er første nestleiar i hovudstyret og komiteen for pengepolitikk og finansiell stabilitet.

Longva har erfaring som ekspedisjonssjef i finansavdelinga i Finansdepartementet. Han har jobba i McKinsey og vore avdelingsdirektør og ekspedisjonssjef i Arbeids- og administrasjonsdepartementet. Longva har doktorgrad i samfunnsøkonomi frå Universitetet i Oslo.

Øystein Børsum

Utnemnd som visesentralbanksjef frå 2. august 2021 til 2027. Børsum har særskilt ansvar for Noregs Bank si oppgåve med å forvalte Statens pensjonsfond utland og er andre nestleiar av hovudstyret og komiteen for pengepolitikk og finansiell stabilitet. Leiar av eigarskapsutvalet og risiko- og investeringsutvalet i hovudstyret.

Børsum har erfaring som sjeføkonom i Swedbank og frå Finansdepartementets økonomiavdeling og avdeling for formuesforvalting. Børsum er siviløkonom frå Noregs handelshøgskole og har mastergrader frå Sciences Po og London School of Economics og doktorgrad i samfunnsøkonomi frå Universitetet i Oslo.

Hans Aasnæs

Oppnemnd som styremedlem til 15. mai 2028. Leiar av godtgjersleutvalet og medlem av risiko- og investeringsutvalet i hovudstyret.

Aasnæs har vore administrerande direktør i shippingselskapet Western Bulk ASA. Han er styreleiar i Strand Havfiske, Nordic Trustee, Investinor, og styremedlem i Vertus Capital. Aasnæs har lang erfaring frå kapitalforvalting, eigedomsforvalting og direkteinvesteringar mellom anna frå Storebrand og UMOE. Han har òg brei styreerfaring frå mellom anna Folketrygdfondet, Statskog, Gjensidige pensjonsforsikring, Bergvik Skog, Foran Realestate og Fornebu Lumber Company. Aasnæs er sivilagronom frå Noregs landbrukshøgskole (no NMBU), har høgare avdeling frå NHH og er autorisert finansanalytikar.

Wenche Agerup

Oppnemnd som styremedlem til 15. mai 2030. Medlem av Eigarskapsutvalet og godtgjersleutvalet i hovudstyret.

Wenche Agerup er jurist frå Universitetet i Oslo og har ein MBA-grad frå Babson College i USA. Ho er konserndirektør i Wallenius Wilhelmsen ASA. Agerup har også bakgrunn frå Telenor ASA og Norsk Hydro ASA, og har med dette omfattande leiar- og styreerfaring frå selskap med internasjonal verksemd.

Tove Andersen

Oppnemnd som styremedlem til 15. mai 2030. Medlem av risiko- og investeringsutvalet i hovudstyret.

Tove Andersen er sivilingeniør i fysikk og matematikk frå Norges teknisk-naturvitenskapelige universitet (NTNU) og har ein MBA frå Handelshøyskolen BI. Ho er konsernsjef i Tomra Systems ASA. Andersen er ein erfaren toppleiar med bakgrunn frå teknologi, industri og sirkulærøkonomi. Ho har hatt ein lang og variert karriere, også frå andre selskap med internasjonal verksemd, som til dømes Yara International ASA.

Thomas Ekeli

Oppnemnd som styremedlem til 15. mai 2028. Medlem av risiko- og investeringsutvalet i hovudstyret.

Ekeli er sjølvstendig næringsdrivande. Han har tidlegare vore sjeføkonom i Folketrygdfondet og Pareto Securities, har bakgrunn frå økonomiavdelinga og avdeling for formuesforvaltning i Finansdepartementet, har jobba som porteføljeforvaltar i Oljefondet (NBIM), vore sekretariatsleiar for offentlege utval og har brei internasjonal erfaring frå blant anna IMF og OECD. Ekeli er utdanna samfunnsøkonom frå Universitetet i Oslo.

Ragnhild Janbu Fresvik

Oppnemnd som styremedlem til 15. mai 2028. Leiar av revisjonsutvalet i hovudstyret.

Fresvik er konsernsjef i Eviny og tidlegare investeringsdirektør i Grieg Gruppen og dagleg leiar i morselskapet Grieg Mauritas. Ho har også jobba for Sparebanken Vest, Borea og Boston Consulting Group. Fresvik er utdanna siviløkonom frå Noregs handelshøgskole.

Stig Helberg

Oppnemnd som styremedlem til 15. mai 2030. Medlem av godtgjersleutvalet og revisjonsutvalet.

Stig Helberg er utdanna siviløkonom frå Norges Handelshøyskole (NHH), er autorisert finansanalytikar og har ein MBA i finans frå NHH. Han har òg ein doktorgrad frå NTNU om bankar si finansiering og korleis dette påverkar finansiell stabilitet. Han er rådgjevar i Nordenfjelske Bykreditts Stiftelse, der han frå august 2027 vil tiltre som dagleg leiar. Frå 2020 til 2026 var han administrerande direktør i Bankenes sikringsfond. Helberg har bakgrunn frå bank, forsikring og kapitalforvalting, hovudsakeleg innan renteforvalting.

Representanter for de ansatte

Mats Bay Fevolden

Representant for dei tilsette frå 16. mai 2024. Medlem av godtgjersleutvalet i hovudstyret.

Mona Sørensen er varamedlem for Mats Bay Fevolden.

Synne Pretorius

Representant for dei tilsette frå 16. mai 2026.

Ann Christin Wehler er varamedlem for Synne Pretorius.

Underutval

Revisjonsutvalet

Oppgåvene til revisjonsutvalet er, i samsvar med instruks for risikostyring og internkontroll i Noregs Bank, retta inn mot oppfølging, tilsyn og kontroll med rekneskapsrapportering, operasjonell risiko, etterleving og systema for risikostyring og intern kontroll.

Revisjonsutvalet har tre medlemmer som er valde av og blant dei eksterne hovudstyremedlemmene. Internrevisjonen skal gi utvalet nødvendig assistanse.

Mandat for revisjonsutvalet

Godtgjersleutvalet

Godtgjersleutvalet skal bidra til grundig og uavhengig behandling av saker som gjeld godtgjersleordningane til banken. Hovudstyret har bestemt at det lovpålagde godtgjersleutvalet for kapitalforvaltinga òg skal førebu saker på sentralbankverksemda sitt område.

Utvalet har tre medlemmer som er valde blant dei eksterne medlemmene i hovudstyret, og éin medlem som er vald blant dei tilsettvalde styremedlemmene.

Mandat for godtgjersleutvalet

Se også: § 5-2 i Finansdepartementets mandat for forvaltningen av Statens pensjonsfond utland (Lovdata)

Eigarskapsutvalet

Eigarskapsutvalet skal førebu hovudstyret si behandling av saker som gjeld den ansvarlege forvaltingsverksemda til banken. Utvalet førebur mellom anna saker om oppheving av vedtak om utestenging og observasjon av selskap frå investeringsuniverset for Statens pensjonsfond utland. Finansdepartementets mandat til Noregs Bank for forvaltninga av SPU og dei mellombelse etiske retningslinjene for SPU set rammer for arbeidet til banken med slike saker.

Eigarskapsutvalet har tre medlemmer og blir leidd av visesentralbanksjefen med særskilt ansvar for å følgje opp forvaltinga av Statens pensjonsfond utland. Dei to andre medlemmene blir valde blant dei eksterne medlemmene i hovudstyret.

Mandat for eigarskapsutvalet

Se også: Retningslinjer for observasjon og utelukkelse fra Statens pensjonsfond utland

Risiko- og investeringsutvalet

Risiko- og investeringsutvalet skal bidra til å styrkje og effektivisere hovudstyret sitt arbeid med investeringsstrategi, gjeldande eksponering, vurderingar av resultat, fastsetjing og utnytting av risikorammer og dessutan særleg store og viktige investeringsavgjerder.

Risiko- og investeringsutvalet har tre medlemmer og blir leidd av visesentralbanksjefen med særskilt ansvar for å følgje opp forvaltinga av Statens pensjonsfond utland. Dei to andre medlemmene blir valde blant dei eksterne medlemmene i hovudstyret.

Mandat for risiko- og investeringsutvalget

Arbeid i underutvalgene

Nøkkelaktiviteter utført av hvert underutvalg i 2025.

Eierskapsutvalget
Mandat og formål	Sist endret med virkning fra 9. desemeber 2025.
Medlemmer	Øystein Børsum (leder), Kristine Ryssdal, Nina Udnes Tronstad.
Antall møter 2025	10
Temaer i 2025	Årlig og halvårlig rapportering om ansvarlige investeringer og eierskap. Observasjon og utelukkelse av selskaper fra Statens pensjonsfond utland. Dialog med selskaper om etiske kriterier. Gjennomgang av styrende dokumenter.
Risiko- og investeringsutvalget
Mandat og formål	Sist endret med virkning fra 1. juni 2023.
Medlemmer	Øystein Børsum (leder), Hans Aasnæs, Egil Herman Sjursen (medlem 1.1.-15.5.), Thomas Ekeli (medlem 16.5.-31.12.)
Antall møter 2024	11
Temaer i 2024	Regelmessig oppfølging av strategi og vurderinger av resultater ved behandling av kvartals-, halvårs- og årsrapporter. Råd til Finansdepartementet om referanseindeksen for aksjer. Godkjenning av finansielle instrumenter, markeder og utstedere av statsobligasjoner. Transaksjoner i unotert eiendom og unotert infrastruktur for fornybar energi. Gjennomganger av styrende dokumenter, herunder rammer for unotert infrastruktur for fornybar energi. Geopolitisk risiko.
Godtgjørelsesutvalget
Mandat og formål	Sist endret med virkning fra 1. juni 2023.
	Hans Aasnæs (leder 16.5.-31.12.), Arne Hyttnes (leder 1.1.-15.5., medlem 16.5.-31.12.), Karen Helene Ulltveit-Moe (medlem 1.1.-15.5.), Kristine Ryssdal, Truls Oppedal (representant for de ansatte 1.1.-15.5.), Mats Bay Fevolden (representant for de ansatte 16.5.-31.12.)
Antall møter	5
Temaer i 2024	Regelmessig oppfølging av prestasjonslønnsordningene, det vil si budsjettrammer, vedtak om utbetaling, og gjennomgang og oppfølging av praktisering og virkninger av ordningene. Gjennomgang av, og justeringer av prinsippene for godtgjørelsesordningene. Saker om lønnsregulering, herunder regelmessige årlige saker om lønnsrammer for daglig leder NBIM, samt NBIMs og sentralbanksjefens ledergrupper.
Revisjonsutvalget
Mandat og formål	Sist endret med virkning fra 1. juni 2023.
Medlemmer	Arne Hyttnes (leder 16.5.-31.12., medlem 1.1.-15.5.), Karen Helene Ulltveit-Moe (leder 1.1.-15.5.), Nina Udnes Tronstad, Ragnhild Janbu Fresvik (medlem 16.5.-31.12)
Antall møter	6
Temaer behandlet	Periodisk operasjonell risikorapporteringer knyttet til kapitalforvaltningen og sentralbankvirksomheten. Årlig rapportering i internkontrollsituasjonen i kapitalforvaltningen, sentralbankvirksomheten og Norges Bank samlet. Regnskapsrapportering for Statens Pensjonsfond Utland og Norges Bank samlet, inkludert oppfølging av eksternrevisors planer og rapportering gjennom året. Planer for internrevisjonens aktiviteter. Internrevisjonsrapportering, for enkeltprosjekter og internrevisjonens årlige rapport inkludert kontrollhandlinger. Tematiske dypdykk relevant for risikostyring og internkontroll for å bidra til økt innsikt.

Møtedeltaking

Antall møter og deltaking i hovudstyremøter og møter underutvala i 2024

		Hovedstyret	Revisjons- utvalget	Risiko- og investerings-utvalget	Eierskaps- utvalget	Godt- gjørelses- utvalget
	Antall møter	16	7	12	10	5
Navn:
Ida Wolden Bache		16/16
Pål Longva		16/16
Øystein Børsum		15/16		12/12	10/10
Kristine Ryssdal		15/16			10/10	5/5
Arne Hyttnes		16/16	7/7			5/5
Nina Udnes Tronstad		16/16	7/7		10/10
Hans Aasnæs		15/16		12/12		5/5
Ragnhild J. Fresvik		16/16	7/7
Thomas Ekeli		16/16		12/12
Mats Bay Fevolden¹⁾		12/12				1/1
Guro Heimly¹⁾		11/12				4/4
Merethe Riddervold²⁾		1/1

1) Ansattrepresentantene er medlemmer av godtgjørelsesutvalget ett år av gangen, bytter i mai.
2) Riddervold er vararepresentant for Heimly, og deltok i ett møte.

Godtgjersle og styringsmodell

Finansdepartementet fastset ønskt kompetanse for Noregs Banks hovudstyre og godtgjersle til styremedlemmene.
Sjå godtgjersla i tabell 15.4 i årsrapporten

Sentralbankloven regulerer forholdet mellom Noregs Bank og myndigheitene. Lov om Statens pensjonsfond og forvaltningsmandatet til Statens pensjonsfond utland regulerer ansvarsfordelinga mellom Noregs Bank og Finansdepartementet når det gjeld forvaltninga av fondet.
Informasjon om styringsmodellen for Statens pensjonsfond utland (Finansdepartementet).