Pressemelding
Gamle setlar blir verdilause
Snart mister den førre setelutgåva – utgåve VI – sin verdi. Det er framleis mange setlar av denne utgåva i sirkulasjon. Noregs Bank si plikt til å løyse inn desse setlane tek slutt 1. november 2012.
– Vi oppfordrar publikum til å finne fram gamle setlar frå skuffar og skap. Byt inn dei gamle setlane i nye setlar før dei blir verdilause, seier direktør Trond Eklund i avdeling for kontante betalingsmiddel. Fristen for innløysing er 1. november 2012 og gjeld for desse setlane:
- 50-kronesetlar med portrett av Aasmund O. Vinje
- 100-kronesetlar med portrett av Camilla Collett
- 500-kronesetlar med portrett av Edvard Grieg
- 1000-kronesetlar med portrett av Christian Magnus Falsen
Alle som ønskjer å veksle inn slike setlar, må gjere det før 1. november. Setlane kan du løyse inn på desse stadene:
- Ved hovudkontoret til Noregs Bank i Oslo
- Ved depota til Noregs Bank (som blir drifta av Nokas) i Stavanger, Bergen, Trondheim og Tromsø
- I bankar som tilbyr denne tenesta til kundane
Meir informasjon om innløysing av gamle setlar og myntar finn du på nettsidene våre.
Kontakt:
Pressetelefon: 21 49 09 30
E-post: presse@norges-bank.no