Noregs Bank står for avsetningane til fondet på vegner av staten. Overføringane skjer månadleg i utanlandsk valuta. Avsetningane til SPU blir primært dekte av valutainntekter frå statens direkte økonomiske engasjement i oljeverksemda (SDØE). Dersom valutainntektene frå SDØE ikkje er tilstrekkelege for å dekkje avsetningane, vil Noregs Bank kjøpe det resterande i marknaden. Dersom valuta frå SDØE overstig avsetningane til SPU, vil Noregs Bank selje det overskytande valutabeløpet i marknaden.