Forventningsundersøkinga
Noregs Bank får utført kvartalsvise forventningsundersøkingar om inflasjons- og lønnsutviklinga. Representantar for økonomiekspertar, partane i arbeidslivet, næringslivsleiarar og hushalda deltek i undersøkinga.
Bakgrunn
Bakgrunnen for undersøkinga er at Noregs Bank rettar pengepolitikken inn mot eit mål om låg og stabil inflasjon. Forventningar til den framtidige prisutviklinga kan i seg sjølv spela ei rolle for den faktiske prisutviklinga. Ei regelmessig spørjeundersøking kan bidra til større innsikt i desse spørsmåla. Undersøkinga blir utført av Ipsos.