Oppgåvene er blant anna:
- Overvaking av finansiell stabilitet
- Å gi råd om tiltak for å førebyggje systemrisiko
- Å bidra til å utforme gode rammebetingelser for det finansielle systemet
- Å være konsesjonsmyndigheit for interbanksystem og overvake betalingssystema
- Forsking og analysearbeid som understøtter avdelingas oppgåver
Leiar: Direktør Amund Holmsen
Tlf. forkontor: 22 31 64 22
Nestleiar: Direktør Ida Wolden Bache
Tlf. 22 31 68 30
Einingar i avdelinga er:
Bankanalyse
Eininga overvakar og analyserer utviklinga i finansinstitusjonar og ‑marknader med sikte på tiltak som kan gjere det finansielle systemet meir robust. Det inneber analysar av soliditeten, lønnsemda, og finansieringa til institusjonane og av korleis dei tilpassar seg til kapital- og likviditetskrava frå myndigheitene. Målet er rammevilkår og regelverk for finansiell sektor som fremjar finansiell stabilitet og effektiv produksjon av finansielle tenester. Ein viktig del av dette er system for krisehandtering og beredskap.
Leiar: Direktør Sindre Weme
Tlf. 22 31 62 65 / 22 31 64 22
Makrotilsyn
Eininga skal gjennom makrotilsyn og overvåking av systemrisiko medverke til at det finansielle systemet er robust. Det inneber både ansvar for å kartleggje kor sårbarheiter byggjer seg opp og for å føreslå verkemiddel som gjer systemet betre i stand til å takle forstyrringar. Eininga vurderar korleis bankanes kredittrisiko knytta til utlån til husholdningar og føretak påverkar utviklinga i kapitaldekninga til bankane. Eininga ser også på korleis bankane si sårbarheit overfor felles risikofaktorar påverkar utsiktene for finansiell stabilitet.
Leiar: Direktør Ida Wolden Bache
Tlf. 22 31 68 30 / 22 31 64 22
Finansiell infrastruktur
Eininga er tillagd konsesjonsmynde og tilsynsansvar for viktige interbanksystem i Noreg, og overvaker systema for oppgjer av verdipapirhandlar og derivat. Viktige tema for analysearbeidet i eininga er risikoar i oppgjerssystema og kva dei har å seie for finansiell stabilitet. Arbeidet omfattar også vurderingar av den finansielle infrastrukturen og effektiviteten i betalingssystemet. Eininga lagar ein årleig rapport om utviklingstrekk i betalingssystemet.
Leiar: Direktør Knut Sandal
Tlf. 22 31 66 81
Finansiell forsking
Eininga forskar på korleis finansmarknadene verkar, åtferda til finansinstitusjonar, problemstillingar knytt til betalings- og oppgjerssystem og samspelet mellom finans- og realøkonomien. Forskinga skal ha ein slik fagleg kvalitet at produkta kan publiserast i internasjonale eller nasjonale tidsskrift med fagfellevurdering. Eininga gjer faglege råd til Noregs Bank sitt arbeid med å identifisere, førebyggje og handsame finansiell ustabilitet og fremje finansiell stabilitet og robuste og effektive betalings- og oppgjerssystem.
Leiar: Direktør Q. Farooq Akram
Tlf. 22 31 66 92 / 22 31 64 22