Kunstsamlinga til Noregs Bank

Noregs Bank har om lag 1400 registrerte kunstverk: måleri og grafikk, skulptur, tekstil og fotografi. Det blir berre kjøpt inn kunst av norske kunstnarar. Dei første innkjøpa blei gjorde tidleg i 1950-åra. Banken har i dag ein intern innkjøpskomité.

Det blei gjennomført eit eige utsmykkingsprogram for det noverande hovudkontoret. Åtte–ti kunstnarar innanfor kvar av kategoriane måleri, tekstil og skulptur blei inviterte til å delta. Utkasta til målarane Ludvig Eikaas, Roar Wold og Paul Brand blei realiserte. Tekstilkunstnarar: Astri Løvaas og Kirsten Wagle, Britt Fuglevaag, Kari-Bjørg Ile, Karin Sundbye, Synnøve Anker Aurdal og Bodil Bødtker Næss. Bilethoggarar: Kristian Blystad, Nils Aas, Gunnar Torvund og Hermann Bongard.

I samband med nedlegging av distriktsavdelingane har hovudstyret til Noregs Bank donert enkelte kunstverk med lokal tilknyting til kommunale eller andre offentlege samlingar i dei byane der banken har hatt distriktsavdeling.

Noregs Bank låner ut kunst til offentlege samlingar og kjende galleri.

Også kontora i New York, London og Shanghai er utsmykka med norsk kunst frå samlinga til banken.

Kunstnarar som er representerte i rundturen i bygget:

Aurdal, Synnøve Anker: Slottsteppe

Bongard, Hermann: Norges Bank

Groth, Jan: Tegn III

Jakobsen, Else Marie: Gråt mitt elskede Peru II

Munch, Edvard: Nicolai Rygg

Nordli, Irene: Uten tittel

Rygh, Magne: Jernbaneskolen rives

Røed, Fritz: Spillende faun

Scheen, Hanne-May: Uten tittel