Noregs Bank er sentralbanken i Noreg. Vi har som mål å fremje økonomisk stabilitet i landet. Banken har utøvande og rådgjevande oppgåver i pengepolitikken og skal bidra til robuste og effektive betalingssystem og finansmarknader. Noregs Bank forvaltar landet sine valutareservar og Statens pensjonsfond utland (SPU).
Mål for kjerneverksemda er prisstabilitet, finansiell stabilitet og meirverdi i kapitalforvaltinga.
Les meir om Noregs Banks mål og oppgåver i Årsmelding og rekneskap.
Fakta om Noregs Bank:
- Noregs Bank er eit eige rettssubjekt som er eigd av staten.
- Verksemda til banken er regulert i Sentralbanklova.
- Noregs Bank har 660 tilsette pr. 31. desember 2012.
- Hovudkontor i Oslo, har òg kontor i London, New York, Shanghai og Singapore.
- Hovudstyret leier den utøvande og rådgjevande verksemda i banken og har sju medlemer, alle oppnemnde av Kongen. To tilsette tek del i styret i administrative saker.
- Sentralbanksjefen og visesentralbanksjefen er høvesvis leiar og nestleiar i hovudstyret. Sentralbanksjefen står for den daglege leiinga av banken og representerer banken utetter.
- Representantskapet fører tilsyn med drifta til banken og med at reglane for verksemda til banken blir følgde, og fastsetter banken sitt årsrekneskap og budsjett. Det er sett saman av femten medlemer, alle valde av Stortinget.